Keçid linkləri

Təcili xəbərlər
2021, 15 May, şənbə, Bakı vaxtı 05:54

«Meydan TV-yə təzyiqləri dayandırın»


Meydan TV

-

Jurnalistlərin Müdafiə Komitəsi Meydan TV-nin əməkdaşlarına təzyiqləri pisləyən bəyanat yayıb.

Qurumun açıqlamasında deyilir ki, bu həftəki davranışı ilə Azərbaycan hakimiyyəti jurnalistlərin hüquqlarını pozub. Onlar 1 ay müddətinə təcrid olunan Meydan TV əməkdaşı Şirin Abbasovun və digər həbsdəki jurnalistlərin dərhal azadlığa buraxılmasını tələb edirlər.

Şirin Abbasovdan başqa Meydan TV-nin iki xanım əməkdaşı da hüquq-mühafizə orqanlarına aparılıb və bir neçə saat saxlandıqdan sonra sərbəst buraxılıb.

Qurumun Avropa və Orta Asiya üzrə proqram koordinatoru Nina Ognianova deyib ki, hakimiyyət Meydan TV-yə təzyiqləri dayandırmalıdır: «Jurnalistika cinayət deyil».

Şirin Abbasov sentyabrın 16-dan yoxa çıxıb, bir gün sonra onun DİN-nin Baş Mütəşəkkil Cinayətkarlıqla Mübarizə İdarəsində saxlandığı məlum olub. Anasına İdarədən bildiriblər ki, Şirin Abbasov polisə müqavimətdə təqsirləndirilir və ona bir aylıq inzibatı həbs cəzası kəsilib.

Sentyabrın 16-da Meydan TV-nin iki xanım əməkdaşı da DİN-nin Baş Mütəşəkkil Cinayətkarlıqla Mübarizə İdarəsində dindiriliblər. Onlardan Meydan TV-dəki fəaliyyətləri, TV-nin rəhbəri, eləcə də Mingəçevir hadisələri zamanı polis bölməsində ölmüş Bəhruz Hacıyevin morqdakı videosunu kimin və necə çəkməsi, müxbirlərin nə qədər maaş alması haqda soruşublar.

XS
SM
MD
LG