Margaret Thatcher'i "öldürdüyünə" görə mükafat

- Britaniyada yazıçı Hilary Mantel’in keçmiş baş nazir Margaret Thatcher'in qətlini xəyal etdiyi hekayəsi, o hekayə ki, keçən il sağçı “Daily Mail” qəzeti başda olmaqla əksəriyyət onu əyri, zövqsüz fantaziya adlandırmış, tənqid etmişdi, bu gün BBC-nin 15000 funt sterlinqlik Milli Hekayə Mükafatının qısa siyahısına düşüb. Bu hadisə ədəbi gündəmin ən çox danışılan hadisəsi olub.

BBC Milli hekayə müsabiqəsi onu 438 hekayə arasından seçdiyi beşliyə salıb. Mükafatın 10 yaşı olsa da, Britaniyada çox nüfuzludur.

Müsabiqə münsifləri deyiblər ki, qısa siyahıdakı 5 hekayənin hər biri Britaniya həyatının gözlənilməz bir tərəfini əks etdirir. Qalib 6 oktyabrda elan ediləcək.