Keçmiş nazir müavininin ölümü təsdiqləndi

Tacikistanın daxili işlər nazirliyi müdafiə nazirinin keçmiş müavini Abduhalim Nazarzodanın ölüm xəbərini təsdiqləyib.

O sentyabrın 16-da Romit vadisində keçirilən əməliyyat zamanı öldürülüb.Onun 10 silahdaşı da öldürülüb.

Bu vadi Düşənbənin şərqində yerləşir.

Əmnəliyyat zamanı həmçinin “Alfa” qrupunun komandiri Rustan Amakiev vəxüsusi təyinatlı qüvvələrin 1 əməkdaşı həlak olub, 2 hərbçi isə yaralanıb.

Hökumət bu dəstəni sentyabrın 4-də Düşənbədə polis məntəqəsinə hücumda ittiham edir.

Həmin hücum nəticəsində 9 polis və 17 yaraqlı ölüb.

Bundan sonra ölkədə zorakılıq təhlükəsi artıb.

Rusiya prezidenti Vladimir Putin sentyabrın 15-də Kollektiv Təhlükəsialik Şurası ölkələrinin Düşənbədə keçirilən sammitində Moskvanın sabitliyin bərpasında Tacikistana kömək edəcəyini deyib.