-
Sentyabrın 15-i səhər saatlarında Bakıda yüzlərlə sürücü cərimə olunub. Onlar məktəblərin yaxınlığında avtomobillərini qanunsuz park edənlərdir.
Bu haqda AzadlıqRadiosuna Bakı şəhər Dövlət Yol Polisi İdarəsinin bölmə rəisi Vaqif Əsədov məlumat verib.
Yeni tədris ilinin ilk günü Bakıda orta məktəblərin yerləşdiyi ərazilərdə böyük tıxaclar olub. Yol polisinin xəbərdarlıqlarına baxmayaraq, uşaqlarına məktəbə gətirən valideynlər maşınlarını harada gəldi saxlayıblar. Polisin onları kütləvi cərimə etməsinə baxmayaraq, tıxacla davam edib. Yalnız günorta saatlarında tıxaclar nisbətən səngiyib.