-
«Məscidül-Həram»ın genişləndirilməsi işləri zamanı qaldırıcı kranın aşması nəticəsində baş verən qəza vaxtı orada Azərbaycan zəvvarları olmayıb.
Bunu Trend-ə Qafqaz Müsəlmanları İdarəsinin mətbuat xidmətinin rəhbəri Rəhimə Dadaşova deyib.
Onun sözlərinə görə, hadisə baş verən vaxt Azərbaycan zəvvarları və onları qarşılayan nümayəndəliyin üzvləri Mədinə şəhərində olublar.
«Məscidül-Həram»ın genişləndirilməsi işləri zamanı qaldırıcı kranın aşması nəticəsində 107 nəfər ölüb, 238 nəfər xəsarət alıb.
Hadisəyə ilkin səbəb kimi güclü yağış yağması göstərilir.
Hazırda Məkkədə Ümrə ziyarəti həyata keçirilir.