Türkiyə silahlı qüvvələrinin quru qoşun hissələri kürd silahlıların təqibi üçün qonşu İraqın ərazisinə daxil olub.
Hökumət sözçüsü bildirib ki, müdaxilə qısamüddətli olacaq.
Ötən gün ərzində Türkiyə hərbi hava qüvvələrinin qırıcıları İraqdakı PKK mövqelərinə raket zərbələri endirib.
Bu hücumlardan bir gün əvvəl PKK separatçılarının bomba basqını nəticəsində azı 16 Türkiyə hərbçisi həlak olub.
Anadolu xəbər agentliyinin məlumatına görə PKK-nın mövqelərinin atəşə tutulması nəticəsində 35 qiyamçı həlak olub.