-
Sentyabrın 4-də Almaniyanın paytaxtı Berlin şəhərində IFA-2015 55-ci ümumdünya istehlak və elektronika texnikası sərgisinin rəsmi açılışı olacaq.
Sərgi çərçivəsində «Samsung», «LG», «Toshiba» və «Sony» şirkətlərinin bir sıra texnoloji yeniliklərinin nümayişi gözlənilir.
Ümumilikdə sərgidə dünyanın 1400-dən çox şirkətinin məhsulları və təklifləri nümayiş etdiriləcək.
Sərgiyə gələnlər intellektual elektronika sahəsinin texnoloji yenilikləri ilə tanış olacaqlar.
Müxtəlif ixtisaslaşmış sahələr üzrə rəngarəng konfrans, seminar və mühazirələrlə zəngin olacaq IFA-2015-də informasiya texnologiyaları sahəsinin bir sıra liderlərinin çıxışı nəzərdə tutulur.