-
Sumqayıtda yaşayış binasında yanğın olub, 20 sakin təxliyə edilib.
Məlumatı Fövqəladə Hallar Nazirliyi yayıb.
Sentyabrın 3-ü gecə saatlarında şəhərdə doqquzmərtəbəli yaşayış binasının 1-ci mərtəbəsində 3-otaqlı mənzildə yanğın başlayıb.
Nəticədə mənzilin 1 otağının yanar konstruksiyaları və ev əşyaları 15 kv.m sahədə yanıb. Mənzilin qalan hissəsi yanğından mühafizə olunub.
Yanğın saat 22:55-də yanğınsöndürənlər tərəfindən söndürülüb.