-
Bakı-Tbilisi-Ərzurum təbii qaz kəməri vasitəsilə mavi yanacağın nəqli bərpa edilib.
Bu barədə apa-ya kəmərin Azərbaycandan keçən hissəsinin operatoru «BP-Azerbaijan» şirkətinin mətbuat xidmətinin rəhbəri Tamam Bayatlı bildirib.
T.Bayatlının dediyinə görə, hasilat və ixrac əməliyyatları normal qaydada həyata keçirilir.
Avqustun 25-də Bakı-Tbilisi-Ərzurum kəmərinin Qars vilayətinin Sarıqamış qəsəbəsindən keçən hissəsi partladılıb. Qars valisi Günay Özdəmir mətbuata açıqlamasında partlayışın 20-dək PKK terrorçusunun hücumu nəticəsində törədildiyini bildirib.
Bundan əvvəl-avqustun 4-də də Bakı-Tbilisi-Ərzurum qaz kəmərində partlayış olmuşdu.