-
Bakıda polis idarə etdiyi avtomobillə həmkarını vurub, sonra da hadisə yerindən qaçıb.
Bu barədə Daxili İşlər Nazirliyinin (DİN) rəsmi saytı məlumat yayıb.
Hadisə avqustun 23-də saat 01 radələrində Sabunçu rayonunun Bakıxanov qəsəbəsində baş verib. Polis serjantı Aydın Babayev xidmətdən kənar vaxtı idarə etdiyi «Mercedes» markalı avtomobillə orada «BMW» markalı avtomobildə xidmətdə olan Bakı DYPİ YPX-nin inspektoru, polis serjantı Samir Dənziyevi vurub hadisə yerini tərk edib.
S.Dənziyev xəstəxanaya yerləşdirilib.
Görülmüş tədbirlərlə A.Babayev saxlanılıb.
Faktla bağlı araşdırma aparılır.