-
Polis seçkilərin pozulmasına yönəlmiş bütün addımların qarşısını almağa hazırdır.
Bunu daxili işlər nazirinin müavini Oruc Zalov avqustun 21-də MSK-da dairə seçki komissiyalarının sədrləri üçün keçirilən müşavirədə deyib.
O.Zalov bildirib ki, parlament seçkiləri ilə bağlı təhlükəsizliyin təmin edilməsi məqsədilə xüsusi tədbirlər planı hazırlanıb: «Tədbirlər planında asayişin nümunəvi təmini və zəruri təhlükəsizlik şəraitinin yaradılması, seçkinin gedişinə əsassız müdaxilələrin qarşısının alınması, DİN-in bütün orqan və hissələrinin gücləndirilmiş iş rejiminə keçirilməsi, səsvermə hüququna malik olan vətəndaşların siyahılarının dəqiqləşdirilməsi və onların şəxsiyyətlərini təsdiq edən sənədlərlə təmini işinin oktyabrın sonunadək tam başa çatdırılması nəzərdə tutulub».