Türkiyənin ingilisdilli BGNNews.com saytının xəbərinə görə ‘TurAz Eagles 2015’ (TürAz qartalları 2015) kod adlı təlimlər avqustun 22-dən sentyabrın 18-dək davam edəcək.
30 təyyarənin iştitak edəcəyi hava manevrləri şənbə günü başlanır. Təlimlərdə MiG-29, F-16, Su-25 qırıcılarından, F-4E bombardmançı təyyarələrindən, C-130 Hercules nəqliyyat təyyarəsindən, habelə Mi-35, Mi-17 və Sikorski UH-60 helikopterlərindən istifadə ediləcək.
Azərbaycanın Müdafiə Nazirliyi bildirib ki, təlimlərdə birgə hədəflərin vurulması kimi təmrinlər icra olunacaq.
Təxminən eyni müddətdə Rusiya MDB boyunca havadan müdafiə qüvvələrinin təlimlərinə başlayıb.