2007-ci ilin büdcə layihəsi hələ də müzakirə olunmaqdadır. Hökumət gələn ilki dövlət büdcəsinin investisiya yönümlü büdcə olduğunu bildirsə də, müxalifətdən olan millət vəkilləri hesab edirlər ki, bəzi xərclərin ayrı-ayrılıqda təsnifatı verilmədiyindən büdcə vəsaitləri gələcəkdə necə gəldi xərclənəcək. Hətta büdcə vəsaitlərinin yarıya qədərinin korrupsiyaya uğrayacağını iddia edənlər də var. Bir sözlə, gələn ilin büdcə layihəsilə bağlı narahatlıq doğuran xeyli məqamlar var.
«Şəffaflıq»da bu dəfə gələn ilin büdcə layihəsindən danışılır. Milli Məclisdə büdcə ilə bağlı müzakirələri yarımçıq tərk edən Müsavat Partiyasının deputat qrupuna daxil olan millət vəkili Pənah Hüseyn və Yeni Azərbaycan Partiyası icra katibinin müavini, millət vəkili Mübariz Qurbanlı mövzunu müzakirə edirlər.