Bakı-Tbilisi-Ərzurum qaz kəməri partladı

-

Bakı-Tbilisi-Ərzurum qaz boru xəttinin Türkiyənin Qars vilayətindən keçən hissəsində partlayış olub. Partlayışın səbəbi araşdırıldığı üçün bölgəyə qazın verilməsi kəsilib.

Bu haqda «Anadolu» agentliyinə Qars valisi Günay Özdemir məlumat verib.

Özdemir deyib ki, partlayış Qarsın Sarıkamış ərazisində baş verib. Partlayışın səbəbi məlum deyil.

Vali bildirib ki, yanğının yaxınlıqdakı meşəyə keçməsinin qarşısı alınıb. Partlayışın səsi isə 20 km uzaqlıqdan eşidilib.