-
İyulun 30-da AXCP Gənclər Komitəsinin üzvü Nuranə Süleymanzadə Suraxanı rayon Polis İdarəsinə çağırılıb. Sosial şəbəkədə yazdığı tənqidi statusuna görə ona şifahi xəbərdarlıq edilib.
İyulun 29-da axşam saat 21 radələrində isə Suraxanı rayon Polis İdarəsinin əməkdaşları onun yaşadığı evə gəlib yazdığı statusa görə axtarmışdı.
«Gəlişlərinin səbəbi siyasi mövqeyimə görə narahat olmaları və əsasən də Emin Milli barəsində dünən axşam yazdığım statusla bağlı idi. Atama çox şey deməyiblər, sadəcə yazdığım statusa görə məni axtardıqlarını bildiriblər», Nuranə Süleymanzadə «Facebook» statusunda yazıb.