Bu ilin doqquz ayı ərzində ölkə iqtisadiyyatına üç milyard dollardan artıq xarici investisiya yönəldilib. Dövlət Statistika Komitəsindən verilən məlumata görə, keçən ilin uyğun dövrü ilə müqayisədə iqtisadiyyatın neft-qaz sektoruna yönəldilmiş xarici investisiyaların həcmi isə 10 faiz azalıb. Əvəzində qeyri-neft sektoruna yönələn birbaşa investisiyaların həcmi iki dəfə artıb. Bura əsasən sənaye, ticarət, tikinti, nəqliyyat və rabitə sahələri daxildir.