Ölkə futbol çempionatının 1-ci turundan təxirə salınan «Qarabağ»-«Karvan» oyununda hesab 1:0 olarkən hakim Babək Quliyevin meydan sahiblərinin qapısına uzatma dəqiqələrində penalti təyin etməsi böyük qalmaqala səbəb olub. Oyunun hakim-inspektoru Füzuli Nəcəfov Babək Quliyevin hakimliyinə qeyri-kafi qiymət verib ki, bu da onun ən azı 10 oyunluq cəzalandırılacağı deməkdir. «Qarabağ» rəhbərliyi isə hakimin mövsümün sonuna qədər cəzalandırılmasını tələb edir.