-
AzAL-ın yeni inzibati binasının tikintisinə dövlət büdcəsindən hər hansı vəsait ayrılmayıb.
Bunu Trend-in sorğusuna cavabında Maliyyə Nazirliyinin mətbuat katibi Mais Piriyev deyib.
Bəzi kütləvi informasiya vasitələrində «Azərbaycan Hava Yolları» QSC-nin (AZAL) yeni inzibati binasının tikintisinin dövlət büdcəsinin vəsaiti hesabına aparılması ilə bağlı xəbərlər dərc olunub.
Bu məsələyə münasibətdə Mais Piriyev deyib ki, AzAL-ın yeni inzibati binasının tikintisinə indiyədək dövlət büdcəsindən hər hansı vəsait ayrılmayıb və gələcəkdə də ayrılması nəzərdə tutulmayıb.
«Dövlət büdcəsindən adətən aerovağzal binalarının, aeroportun uçuş-enmə zolağının tikintisində AzAL-a dəstək göstərilir. Eyni zamanda, QSC-yə təyyarə parkının yenilənməsi ilə əlaqədar maliyyə yardımı və kreditlərin cəlb olunmasında dəstək verilir», - M.Piriyev əlavə edib.