Keçid linkləri

2024, 28 Mart, Cümə axşamı, Bakı vaxtı 16:47

Daha bir arayışı elektron almaq olacaq


Foto illüstrasiya
Foto illüstrasiya

-

Nəqliyyat vasitələrinin mülkiyyətçilərinə avtomobilin axtarışda, yaxud yüklü olub-olmaması barədə arayış elektron qaydada veriləcək.

Elektron xidmətin icraçısı qismində Daxili İşlər Nazirliyinin Baş Dövlət Yol Polisi İdarəsi çıxış edir.

Xidmətdən yararlanmaq istəyən istifadəçi ərizə formasını (Əlavə №1) elektron xidmətin təqdim edildiyi internet ünvanından (www.mia.gov.az) yükləyərək doldurmalı və elektron poçt ünvanına (info@mia.gov.az, info@dyp.gov.az) göndərməli olacaq.

Prosedura əsasən, istifadəçinin ərizəsində göstərilən məlumatlar informasiya-axtarış bazasının məlumatları əsasında yoxlanıldıqdan sonra müvafiq arayış (Əlavə №2) tərtib olunur. Sənəd DİN BDYPİ-nin Müayinə Mərkəzinin və ya ərazi aidiyyəti üzrə regional qeydiyyat-imtahan və texniki baxış şöbəsinin rəhbəri tərəfindən imzalanır və möhürlə təsdiq edilir.

Sorğu qeydiyyata alındığı tarixdən 1 iş günü ərzində icra olunur.

Sorğunun nəticəsində tərtib olunmuş arayışın skan edilmiş surəti, həmçinin arayışın əslinin verilməsinin tarixi, vaxtı və yeri barədə məlumat istifadəçinin elektron poçt ünvanına göndərilir.

XS
SM
MD
LG