Rustov-Xanəgah-Gürdəh, Rustov-Nöydün-Şuduq, Rustov-Məckəxacə, Rustov-Bağçalı-Yekdar avtomobil yollarının tikintisinin davam etdirilməsi məqsədi ilə 2015-ci il dövlət büdcəsindən 8 milyon manat Quba Rayon İcra Hakimiyyətinə ayrılıb.
Bu barədə prezident İlham Əliyev sərəncam imzalayıb.
Sözügedən avtomobil yolları 6 min nəfər əhalinin yaşadığı 12 yaşayış məntəqəsini birləşdirir.
Maliyyə nazirliyinə müvafiq məbləğdə maliyyələşməni təmin etmək tapşırılıb.