-
Avropa İnsan Haqları Məhkəməsi Azərbaycan vətəndaşı Ofeliya İsayevanın Azərbaycan dövlətinə qarşı iddiasını təmin edib.
1957-ci il təvəllüdlü qadın dələduzluq və narkotik maddələrin saxlanmasında təqsirli bilinərək 9 il müddətinə azadlıqdan məhrum edilmişdi.
O.İsayeva bu hökmə etiraz olaraq yuxarı instansiya məhkəməsinə müraciət etmiş, amma bu proses davam edən vaxt həbsxanada vəfat etmişdi.
Onun adından Avropa Məhkəməsinə bacısı müraciət edib. O, Ofeliya İsayevanın qanunsuz olaraq məhkəməyəqədərki həbsinin uzadılmasına etiraz edib. Azərbaycan hökumətindən 100 min avro təzminat istəyib..
Avropa Məhkəməsi Ofeliya İsayevanın haqlarının pozulduğunu təsdiq etsə də, təzminatı 13 min avro məbləğində müəyyən edib.
