-
İyunun 20-də Bakı və Abşeron yarımadasında hava şəraitinin dəyişkən buludlu olacağı, gün ərzində əsasən yağmursuz keçəcəyi gözlənilir.
Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova apa-ya açıqlamasında bildirib ki, gecə 18-23, gündüz 29-34 dərəcə isti olacaq.
Abşeron çimərliklərində dəniz suyunun temperaturu 22-24 dərəcə isti olacaq.
Bölgələrdə də hava əsasən yağmursuz keçsə də, gecə və axşam bəzi dağlıq və dağətəyi rayonlarda şimşək çaxacağı, qısa müddətli yağış yağacağı gözlənilir. Şərq küləyi əsəcək. Ayrı-ayrı yerlərdə arabir güclənəcək.
Gecə 19-24, gündüz 33-38, dağlıq və dağətəyi rayonlarda gecə 12-17, gündüz 23-28 dərəcə isti olacağı gözlənilir.