-
Tələbə Qəbulu üzrə Dövlət Komissiyası iyunun 15-də Xocavənd, İmişli, Füzuli, Beyləqan, Şirvan, Hacıqabul, Sabirabad, Biləsuvar, Neftçala, Salyan, Saatlı, Lənkəran, Astara, Lerik, Yardımlı, Cəlilabad və Masallıdakı orta məktəblərində mərkəzləşdirilmiş qaydada buraxılış imtahanları keçirir.
IX sinif şagirdləri üçün imtahan saat 10:00 –da başlayıb, XI sinif şagirdləri üçün isə saat 15:00 -da başlamalıdır.
İyunun 15-də 21 min 171 nəfər IX sinif şagirdinin imtahanda iştirakı nəzərdə tutulur.
Buraxılış imtahanına girən XI sinif şagirdlərinin sayı isə 18 min 113 nəfərdir.
İmtahanların idarə olunmasına ümumilikdə 219 imtahan rəhbəri, 1798 nəzarətçi-müəllim ayrılıb.