I Avropa Oyunlarında 48 kiloqram çəki dərəcəsində qadınlar arasında sərbəst güləşdə Azərbaycan yığmasının lideri Mariya Stadnik qızıl medal əldə edib.
Final görüşündə o, bolqarıstanlı Eltsa Yankovanı məğlub edib. Görüş 12-1 hesabı ilə vaxtından əvvəl başa çatıb.
O 48 kq çəki dərəcəsində bütün rəqiblərini udub.
Güləşçinin finalda bolqarıstanlı idmançı Elitsa Yankova üzərində qələbəsini Azərbaycan prezidenti İlham Əliyev və I Avropa Oyunlarının Təşkilat Komitəsinin sədri Mehriban Əliyeva da canlı izləyib.
Ona qızıl medalı da məhz Mehriban Əliyeva təqdim edib.
Stadnik dünya və Avropa çempionudur.
Bununla Azərbaycan millisinin Bakı-2015-də qazandığı qızıl medalların sayı 7-yə çatıb.