-
İyunun 14-də Mingəçevirdə I Avropa Oyunları çərçivəsində avarçəkmə yarışları başlayıb.
Yarışda 8 növ üzrə ilkin və yarımfinal mərhələsində yürüşlər keçiriləcək.
Avarçəkmə yarışları kişi kanoeçilərin 1000 m məsafəyə ilkin yürüşləri ilə start götürüb.
Azərbaycanı təmsil edən Taras Matviyçuk ilk “7-lik”də start xəttinə çıxıb. O, məsafəni 4 dəqiqə 4,220 saniyəyə qat edib. Finiş xəttini 4-cü keçən Matviyçuk növbəti mərhələyə yüksəlib.
O, iyunun 15-də start götürəcək yarımfinalda 4-cü zolaqda mübarizə aparacaq.