-
İki şeiri ilə "Ədəbi Azadlıq-2015" müsabiqəsinin finalına yüksəlmiş Babək Ağayevdən yeni şeirlər
Babək Ağayev
ratio
irrasional adamlar rasional olmadıqlarından irrasional deyillər
rasional adamlar irrasional ola bilmədiklərindən rasionaldılar
helikopter cırcıramalar
istəyirəm uzaqlaşım sənə yorğunluqlarımdan
vurulum uşaqlıqlarına şəkillərindən
(trolleybuslar parklar zoparklar şaxtababalar və pioner qalstuku)
hər hüceyrənə tək tək toxunmaq
saçlarında mümkün bütün dəcəllikləri utandırmaq
(qardaşımın yandırdığı arının ruhuna fatihə)
döşlərinə demokratiyanı bir də bəzi ölkələri qadağan etmək
içib-içib cırcıramaları uçurub uçurub öldürmək
helikopterləri dəfn etmək
gecəylə əl ələ s..dirib sənə köçmək istəyirəm
bağışla məni
bizi qarşıla və...
tanımadığım xatirələr
on beş yaşımız olardı
“sənlə hər şey edərəm” deyən qızın
seyrək bığları vardı
sonra mənə uzun-uzun döşləri haqqında yazan
atası helsinkidə yaşayan
döşlərinin özündən üç yaş böyük olduğun iddia edən birindən
məktublar aldım
məktəbi bitirməyə az qalmışdı
adın çəkmək istəmədiyim hansısa fəridə
məni öz güllü çarpayısından qovdu bir axşamtərəfi
adın çəkmək istəmədiyim hansısa fəridə yeddinci mərtəbədə yaşayırdı
elə həmin mərtəbədən düşdü bir səhərəyaxın
gözləri tutuldu amma ölmədi
yataqdan qovulmuş biri olaraq daha görmədi məni
universitetin ilk ilini
qürub qırmızısı allı güllü bir fahişəylə keçirdim
onla oturub uzanıb saatlarla içirdim
səbəbini ayrılanda söylədi
məndən başqa hamıyla yatan fahişə
ölmüş oğluna çox bənzəyirmişəm
aysunu tanıyanda
yazıçılar modernizmin postunda dayanmışdı
kafka sevmək dəbdə idi o da geri qalmırdı
aysu “çevrilmə” dən başqa nəsə oxumamışdı
çevrilib intellekt-aul olmuşdu
çox yorulmuşdu yazıq qız
ancaq çox intersekstual biriydi
bir sümük bir eynək bir də dəriydi
***
məni sən mərkəzçi etməyə çalışır holst
inanmadığım hakim partiya sağ mərkəzçidir
bunun qonşum tyotya lidaya nə dəxli
2076 da anamın olmayacağı dəqiq görünür
saymağa 1958 dən başlayıb
bununsa bramsa birbaşa aidiyyatı var
yoxluğunda yuxularımın qəhrəmanı mixail afanasyeviç
hər gün özün atır pəncərələrdən
yooox master qışqırıb arxasınca tullanıram
çəhrayıyla narıncın şirinçayı üfüqə yuvarlanıram
ölməyə hazırlaşan avqust ayı sonun gətirir hər şeyin
bunun...
gecə fəzilətlidi
döşlərin qarnın qasığın
gözlərin belin boğazın
dizlərin ləzzətlidi
bədəninə anarxizm daraşıb
çoxları gərilibsə də
çarmıx ən çox məsihə yaraşıb
tanrıyla məryəminsə bunlarla əlaqəsi yox
onlar çardaqda oturub müqəddəs ruh çağırırlar