Keçid linkləri

2024, 29 Mart, Cümə, Bakı vaxtı 02:10

Gene Sharpın kitabı Bakıda çıxacaq


Gene Sharp
Gene Sharp

-

Qeyri-zorakı etiraz üsulları

Bir qrup azərbaycanlı fəal Gene Sharp-ın "Qeyri-zorakı etiraz üsulları" kitabını Azərbaycan dilinə tərcümə edir.

Gene Sharp - qeyri-zorakı etiraz üsulları haqda bir çox kitabların müəllifi, bu il Nobel Sülh mükafatını allmağa ən şanslı hesab olunan namizəddir.

Onun kitabları dünyada bir çox anti-hökumət müqavimət hərəkatlarına təsir göstərib.

Gene Sharp həm qeyri-zorakı silahların siyahısını verir öz kitablarında, həm də onların hər birinin hansı tarixi hadisədə uğurlu olması haqqında danışır. “The Politics of Nonviolent Action” (Qeyri-zorakı aksiyalar siyasəti) kitabında etiraz üçün qeyri-zorakı üsulların 198 maddəlik siyahısını verir.

Bu müəllifə “qeyri-zorakılığın Makiavellisi" deyirlər.

1993-cü ildə yazdığı “Diktaturadan demokratiyaya” kitabı 31 dilə tərcümə olunub. Kitab Serbiyada “Otpor!” kampaniyasına, Gürcüstanda “Kmara”, Ukraynada “Pora”, Qırğızıstanda “KelKel”, Belarusda “Zubr” kampaniyalarına ilham verib.

Onun kitablarını adətən aktivistlər özləri tərcümə edirlər və pulsuz paylayırlar.

Vaxtilə Sharp-ın “Vətəndaş müdafiəsi” kitabı Baltikyanı ölkələrdə, Sovet İttifaqında fəalların sevimli kitabı olub. Litvanın müdafiə naziri Audrius Butkevicius “Nüvə silahımın olmasındansa bu kitabımın olmasını üstün tuturam” deyib.

Oxu zalı

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG