-
Birinci Avropa Oyunlarının keçirildiyi günlərdə - iyunun 14-dən 29-a qədər Milli Olimpiya Komitəsi yarışların qalibləri və mükafatçıları olan Azərbaycan idmançılarının şərəfinə «Zəfər günləri» adlı xüsusi tədbir keçirəcək.
Bu layihə ilk dəfə həyata keçiriləcək.
Medallar qazanan Azərbaycan atletləri, onların ailə üzvləri, dostları, idman mütəxəssisləri və ictimaiyyətin nümayəndələrinin iştirakı ilə Komitənin inzibati binasında görüşlər təşkil ediləcək.
Zəfər qazanan idmançılara MOK-un xüsusi mükafatları veriləcək.