-
Bakıda Azadlıq prospektində yanğın baş verən binada xəsarət alanların sonuncusu da artıq evə buraxılıb.
Səhiyyə Nazirliyinin baş toksikoloqu Azər Maqsudov apa-ya deyib ki, hadisə nəticəsində dünyasını dəyişən 3 yaşlı Fərəhin anası Günay Məhərrəmova ötən gün evə yazılıb.
A.Maqsudov qeyd edib ki, yanğın zamanı Klinik Tibbi Mərkəzin Toksikologiya şöbəsinə 35 nəfər gətirilmişdi: «Onlar üzərində bütün lazımi tədbirlər görülüb. Vəziyyətləri stabilləşdikcə, zamanla evə buraxılıblar».
Mayın 19-da Azərbaycan paytaxtında çoxmərtəbəli binada yanğın nəticəsində 15 nəfər ölüb, 50 nəfər xəsarət alıb.