Manat yaxın bir neçə ayda
«Bizim Yol» qəzeti qarşıdakı aylarda manatın ucuzlaşıb-ucuzlaşmayacağı haqqında iqtisadçıların fikirlərini dərc edib. İqtisadçı Samir Əliyev bildirib ki, neftin indiki qiyməti manata qısamüddətli güvənlik verir. Böyük ehtimalla seçkilərə qədər 1 dollar 1.03-1.06 manat çərçivəsində saxlanacaq. " İqtisadçı Rövşən Ağayev isə deyib ki, yaxın dövrdə manatın sabitliyinə təhlükələr var: 1) Neftin qiyməti yenidən 50-55 dollara və daha aşağı düşür, aşağı qiymət səviyyəsi ən azı 5-6 ay davam edir;2) Artıq dollara tələbat yaradacaq likvid manat kütləsi demək olar ki, yoxdur. Bundan sonra siyasi və iqtisadi səbəblərdən zəngin ailələrin və oliqarx kapitalı ətrafında formalaşan iqtisadi qrupların əmlaklarını (avtomobil, mənzil, zinət əşyaları, müəssisə və s.) valyutaya çevirib ölkədən çıxarmaq istəməsi valyutaya tələbin yeni dalğasını formalaşdıra bilər. AzadlıqLive-da
Əli Həsənov 50 media rəhbəri ilə görüşür
Prezident Adminstrasiyasının ictimai-siyasi məsələlər şöbəsinin müdiri Əli Həsənovun media rəhbərləri ilə görüşü keçirilir.Musavat.com-un məlumatına görə, görüşdə 50-dən artıq qəzet redaktorları və sayt rəhbərləri iştirak edirlər. Tədbirdə həmçinin Mətbuat Şurasının sədri Əflatun Amaşov, KİV DF rəhbəri Vüqar Səfərli də iştirak edir. Ətraflı az sonra AzadlıqLive-da
Elçibəy: Heydər Əliyevi gətirməkdə mənim təqsirim var
Milli Məclisin bir qrup deputatı Kələkidə yaranmış vəziyyəti Əbülfəz Elçibəylə müzakirə etmək üçün 1995-ci ilin fevralında Naxçıvana ezam olunur. Həmin deputat qrupunda təmsil olunan Nəcəf Nəcəfov Elçibəyin hansı statusla mühafizə olunmasını həmkarlarıyla müzakirə edir. Naxçıvan cəbhəçilərinin arxivindən götürülmüş görüntülər.
Heydər Əliyev hakimiyyətə bu səsvermə ilə qayıtdı
Gəncə qiyamından sonra yaranan siyasi böhrandan çıxış yolu axtaran Elçibəy hakimiyyəti Heydər Əliyevi Bakıya dəvət edir. 1993-cü il iyunun 9-da prezident təyyarəsi ilə Naxçıvandan paytaxta gələn Heydər Əliyev dərhal Gəncəyə, Surət Hüseynovla danışıqlara gedir. Geri qayıdanda siyasi razılaşmaya əsasən, onun istefa vermiş İsa Qəmbərin yerinə Ali Sovetin sədri vəzifəsinə təyin olunması nəzərdə tutulurdu. O zaman Ali Sovetin funksiyasını demokratik blok üzvləri və keçmiş kommunist deputatlardan bərabər şəkildə təşkil olunmuş 50 nəfərlik Milli Şura həyata keçirirdi.
Baba Pünhan. Şeirlər http://t.co/wUMDpNdrUt via @radioazadliq #AzadliqLiveTV
— AzadliqRadiosu (@RadioAzadliq) 4.6.2015