-
Fransada velosiped qəzasında yaralanaraq xəstəxanaya yerləşdirilən ABŞ-ın dövlət katibi John Kerry-nin vəziyyəti sabitdir.
Dövlət Departamentinin məlumatında deyilir ki, 71 yaşlı Kerry mayın 31-də helikopterlə Cenevrəyə gətirilib, hazırda onun vəziyyəti dəyərləndirilir.
Məlumatda o da bildirlir ki, dövlət katibi huşunu itirməyib, ayağı zədələnib.
Qəza Fransanın kurort şəhərlərindən birində Scionzierdə baş verib.
Dövlət katibi mayın 30-da Cenevrədə İran xarici işlər naziri Mohammad Javad Zariflə görüşüb, nüvə məsələsi ilə bağlı razılaşmanı müzakirə edib.