Noyabrın 9-da Əzizbəyov Rayon Məhkəməsinin çıxardığı qərara əsasən, keçmiş Maliyyə naziri Fikrət Yusifovun cəzasının qalan hissəsi dəyişdirilib. Bundan sonra o, cəzasının qalan hissəsini məntəqə tipli cəzaçəkmə müəssisəsində çəkəcək.
Cənab Yusifov qanunsuz silah gəzdirməkdə təqsirli bilərək bu ilin avqustunda Nəsimi Rayon Məhkəməsinin hökmüylə 1 il müddətinə azadlıqdan məhrum edilib.
Fikrət Yusifov keçmiş İqtisadi İnkişaf və Səhiyyə nazirləri Fərhad Əliyev, Əli İnsanov və daha bir neçə nəfərlə əlbir olaraq dövlət çevrilişi hazırlamaqda da təqsirli bilinir.
