-
Çeçenistan prezidenti Ramzan Kadyrov çeçen kişilərə müraciət edib, «Bəsdir! Özünüzü çeçen kimi aparın. Belə şeylər yazmayın. Kişilər, öz qadınlarınızı WhatsApp-dan yığışdırın».
Çeçen liderinin belə deməsi bu günlərdə 57 yaşlı polis rəisi ilə 17 yaşlı qızın evlənməsinə sosial mediada çox kəskin reaksiyalarla bağlıdır.
Ramzan Kadyrov bundan əvvəl də WhatsApp-ın çeçenlərə mənfi təsirindən danışırdı və deyirdi ki, İslam Dövləti təşkilatı çeçenlər arasında özünə tərəfdarları WhatsApp vasitəsilə yığır.
Çeçenistanda Birinci xanımın moda evi açılıb
Noyabrın 1-də Çeçenistanın paytaxtı Qroznıda Firdaws Moda evində qadın paltarlarının nümayişi keçirilib. Bu moda evini 2009-cu ildə prezident Ramzan Kadyrovun xanımı Medni Kadyrova açıb. İslam dininə uyğun qadın geyimləri nümayiş etdirən Firdaws Qroznıdan başqa Dubay və Səudiyə Ərəbistanında da moda nümayişləri keçirmək niyyətindədir.