Azərbaycan siyasətində qadınların rolu, cəmiyyətdəki missiyaları ilə uzlaşırmı? Say və təmsilçilik baxımından hansı problemlər var? Siyasətdəki və ictimai həyatdakı Azərbaycan qadınları əlavə hansı problemlərlə üzləşir, cəmiyyət onlara necə baxır? Nəyə görə, artıq uzun müddətdir ki, Azərbaycan siyasətində eyni simalardır, hətta qadın siyasətçilərin sayı az olmağına baxmayaraq, artım, yenilənmə hiss olunmur? Siyasət, ictimai fəallıq qadının qadınlığını əlindən almaz ki? Bəlkə elə kişilərin qadınlarını siyasətə həvəslə buraxmamalarının bir səbəbi də budur?
«Azadlıq» radiosu və «İnternyus-Azərbaycan»ın birgə layihəsi olan «İkisi bir yerdə»də bu dəfə bu suallara cavab axtarılır.
Uzun müddət aktiv siyasətlə məşğul olan, indisə sadəcə, siyasi icmalçı kimi fəaliyyət göstərən Zərdüşt Əlizadə və politoloq Leyla Əliyeva mövzunu müzakirə edir.