-
Fransız yazıçısı, filosofu Jean-Paul Sartre-ın elmi və bədii əsərlərindən sitatlar:
- Elə ki qələbənin detallarını eşitdin, onu məğlubiyyətdən fərqləndirmək çətin olur.
- Uduzulmuş döyüş – insanın artıq uduzduğunu düşündüyü döyüşdü.
- Mən ölüm haqda yalnız huzurla düşünürəm – nəyinsə sonu kimi. Ölümün həyata maneçilik törətməsinə qarşıyam. Ölüm həyata yalnız onun hansı məna kəsb etdiyini aydınlaşdırmaq üçün daxil olmalıdır.
- Ədəbiyyat hər şey demək deyil. O kiminsə bircə saatlıq üzüntüsünə də dəyməz.
- İki növ kasıb insan var: kasıb həyatı birlikdə yaşayanlar və yalqız kasıblar. İkincilər, sadəcə, bəxti gətirməmiş varlılardır.
- Faşizm – öz qurbanlarının sayı ilə yox, öz qurbanlarını necə öldürməsi ilə səciyyələnir.
- Mənim fikirlərim – elə mən özüməm. Düşünməyə məhz bu səbəbdən son verə bilmirəm. Mən ona görə mövcudam ki, düşünməməyimin mümkünsüzlüyünü anlayıram.
- Həyatım haqda bildiklərimin hamısını, belə aydın olur ki, kitablardan öyrənmişəm.
