-
Aprelin 2-də səhər İranla nüvə danışıqları davam edib. İranla altı superdövlət çərçivə sazişi əldə etmək, Tehranın nüvə proqramını məhdudlaşdırmaq, əvəzində iqtisadi sanksiyaları yüngülləşdirmək istəyir.
İsveçrənin Lozanna şəhərində keçirilən danışıqlar üçün 31 mart son tarix qoyulmuşdu.
Ötən gecə ABŞ Dövlət katibi John Kerry ilə İranın xarici işlər naziri Javad Zarif bir neçə saatlıq danışıqlar aparıblar.
İranla altı dövlət təmsilçiləri səhər də görüşüblər.
“Lozannada səhər 6-dır. Bütün gecəni danışıblar” Dövlət Departamentinin sözçüsü Marie Harf tvitterdə yazıb. O, danışıqların bir neçə saata bərpa olunacağını qeyd edib.