-
Bakının Dərnəgül şosesində ağır yol nəqliyyat hadisəsi baş verib, 10 maşın bir-birilə toqquşub, bir nəfər ölüb.
Məlumatı apa yayıb.
Bildirilir ki, martın 31-də saat 23 radələrində Dərnəgül şosesinin Nərimanov rayonuna aid ərazisində «Lifan» ilə «Mercedes» toqquşub.
Bu toqquşma daha səkkiz maşının da qəza törətməsinə səbəb olub. Şosedə hərəkət edən avtomobillər bir-birinə çırpılıblar. Onlardan biri - «KAMAZ»ın sürücüsü 1986-cı il təvəllüdlü Xəyyam Quliyev hadisə yerində ölüb.