Bircə-bircə ovladılar qoçaqları, qaçaqları
Qızıl gülləymiş sən demə, dünyadan alacaqları.
Bircə-bircə ovladılar gözəlləri, göyçəkləri
Qızıl teştə qan qusmaqmış dünyada görəcəklər…
Bircə-bircə sındırdılar şeir yazan barmaqları
Od vurdular, yandırdılar sözü qızıl varaqları!
Qorxaqları, kifirləri göz üstündə saxladılar.
Bir qəpiklik şeirləri oxudular, ağladılar…