-
Baş Dövlət Yol Polisi İdarəsi (BDYPİ) sürücülərə xəbərdarlıq edib.
Xəbərdarlıqda deyilir ki, istirahət günlərinin bitməsi ilə bağlı Bakıya və regionlara sərnişinlərin axını müşahidə edilir. Bundan istifadə edən bəzi sürücülər sərnişindaşıma qaydalarını kobud şəkildə pozub vətəndaşların həyatını təhlükəyə ataraq əlavə qazanc əldə etməyə çalışırlar.
Xəbərdarlıqda deyilir ki, nəqliyyat vasitələri ilə nəzərdə tutulduğundan çox sərnişin daşıyanlar qanunvericiliklə sərt cəzalandırılacaqlar.
İnzibati Xətalar Məcəlləsinə görə, bu qaydanı pozanlar 60 manat pul və 3 cərimə balı ilə cəzalandırılır.