-
Belarus Birləşmiş Millətlər Təşkilatı tərəfindən qoyulmuş embarqonu pozaraq Liviyadakı qruplaşmalara silah göndərməsi barədə ittihamları «qurama» adlandırır və onları rədd edir.
Belarusun xarici siyasət idarəsinin sözçüsü Dmitry Mironchik martın 21-də bəyan edib ki, Minsk ancaq Liviya hakimiyyətinə silah göndərib, bu da BMT-nin razılığı ilə mümkün olub.
Mironchik-in dediyinə görə, Belarus müstəqil şəkildə Liviyaya silah göndərməyi 2014-cü ilin iyununda ölkədə təhlükəsizlik şəraitinin pisləşməsi səbəbindən dayandırıb.
Liviya lideri Muammar Gaddafi-nin 2011-ci ildə hakimiyyətdən salınması və öldürülməsi ölkəni xaosa sürükləyib.
Ötən ay «Reuters» BMT Təhlükəsizlik Şurası ekspertlərinin məxfi hesabatını yayıb. Orada Belarusun 2013-2014-cü illərdə Liviyadakı silahlı qruplaşmalara döyüş sursatı göndərdiyi bildirilir.