ABŞ prezidenti Corc Buş Birləşmiş Ştatlarda işgəncə praktikasının olmadığını deyib.
Birləşmiş Ştatların vitse-prezidenti Dik Çeyni bundan əvvəl deyib ki, terrorçuluqda şübhəli bilinənləri suyun altında saxlamaq onların danışması üçün faydalı ola bilər.
«Hyuman Rayts Votç» insan haqları təşkilatı Çeyninin dediklərini tənqid edib və bunu Birləşmiş Ştatlarda belə bir üsulun olmasına ilk açıq təsdiq hesab edir.
Birləşmiş Ştatların bu yaxınlarda qəbul etdiyi yeni hərbi nizamnamədə işgəncə və məhbuslarla amansız davranma qadağandır.