Bu il Azərbaycanda inflyasiya 8,5 faiz ola bilər. Bunu Dövlət Statistika Komitəsinin sədri Arif Vəliyev oktyabrın 26-da 9 ayın yekunlarına həsr olunmuş mətbuat konfransında deyib. İl ərzində ölkədə qiymətlərin 7,3 faiz artdığını bildirən cənab Vəliyevə görə, ərzaq məhsullarının qiymətində 10,3 faiz, qeyri-ərzaq məhsullarının qiymətində isə 5 faizə yaxın artım olub. O, hesab edir ki, belə davam edərsə, bu ili 8,5 fizlik inflyasiya ilə başa vurmaq olar.