Göyçay rayon Məhkəməsi hüquq müdafiəçisi Taleh Xasməmmədovun barəsində 3 aylıq həbs qətimkan tədbiri seçib.
Bu haqda AzadlıqRadiosuna Talehin anası Gülbuta Xasməmmədova məlumat verib.
Taleh Xasməmmədov fevralın 24-də saxlanıb, xuliqanlıqda ittiham olunur.
O, bundan əvvəl, 2011-ci ilin noyabrında da xuliqanlıq və polisə müqavimət maddələri ilə həbs edilmişdi. Göyçay rayon Məhkəməsi onun haqqında 4 il azadlıqdan məhrumetmə cəzası çıxarmışdı. Təxminən bir il sonra prezidentin əfv sərəncamına düşərək azad olunmuşdu. O vaxt beynəlxalq təşkilatlar Taleh Xasməmmədovu «vicdan məhbusu» sayırdı.