Qazaxıstan prezidenti Nursultan Nazarbayev aprelin 26-da ölkədə vaxtındanəvvəl prezident seçkiləri keçiriləcəyini bəyan edib.
Nazarbayev fevralın 25-də televiziya ilə xalqa müraciətində bunun səbəbini prezident və parlament seçkilərinin eyni ilə düşməməsi ilə izah edib.
1989-cu ildən ölkəni idarə edən Nazarbayev bildirib ki, insanların marağı və ona edilən müracitləri nəzərə alaraq belə bir qərar qəbul edib.
Qazaxıstanda növbəti prezidentvə parlament seçkiləri2016-cı ilə təyin edilmişdi.
Qazaxısyanın Xalq Assambleyası hesab edir ki, vaxtındanəvvəl prezident seçkiləri hazırkı siyasətin təmin edilməsi və iqtisadiyyatın gücləndirilməsinə səbəb olacaq.
Assambleya hesab edir ki, ölkəni hazırkı iqtisadi böhrandan çıxarmaq üçün 74 yaşlı prezidentə dha bir müddət lazımdır.