Prezident İlham Əliyev oktyabrın 25-də «bp-Azərbaycan» şirkətinin rəhbəri Devid Vudvordu qəbul edib. «AzərTAc» Dövlət Agentliyinin məlumatına görə, cənab Vudvord şirkətin Azərbaycanda cari fəaliyyəti barədə dövlət başçısına məlumat verib.
İlham Əliyev oktyabrın 25-də həmçinin Dünya Səhiyyə Təşkilatının (DST) baş direktoru vəzifəsinə namizəd, türkiyəli professor Tomris Türməni də qəbul edib. Görüşdə xanım Türmənin DST-nin baş direktoru vəzifəsinə namizədliyinin Azərbaycan tərəfindən dəstəklənməsi məsələsi müzakirə olunub.