-
Myanmarda Çinlə sərhəddə hökumət qüvvələri ilə etnik Kokanq yaraqlıları toqquşub, 47 əsgər həlak olub, 73 nəfər yaralanıb.
Dövlət mediası fevralın 13-də məlumat yayıb ki, son günlər ərzində 13-dən çox toqquşma baş verib.
Yaraqlıların itkisi barədə məlumat yoxdur.
Rəsmilər bildirir ki, toqquşmalardan Çinin də məlumatı var. Çünki dinc sakinlər sərhədin o tayına keçməyə cəhd edə bilərlər.
Kokanq yaraqlıları keçmiş Birma Kommunist Partiyasının əsas qüvvəsi idi. 1989-cu ildə hakimiyyətdə olan xunta ilə atəşkəs imzalanmışdı.