Ukraynanın Luhansk şəhərində öldürülən Luqansk vilayəti üzrə Azərbaycanlılar Konqresinin keçmiş sədr müavini Yasinəli Nəsibovun meyiti Azərbaycana gətirilib.
Luqansk Vilayəti Azərbaycanlıları Konqresinin sədri Rasim Uğurluyevin APA-ya verdiyi məlumata görə, mərhum fevralın 11-də doğulduğu Qazax rayonunda dəfn olunub.
Yasinəli Nəsibovun meyiti separatçıların nəzarətində olan Luhansk şəhərindən diaspor fəallarının dəstəyi ilə çıxarılıb.
Qazax rayonundan olan, Ukrayna vətəndaşı, 1957-ci il təvəllüdlü Yasinəli Nəsibovun meyiti fevralın 3-ü səhər saatlarında şəhərin Şevçenko məhəlləsindəki marketlərdən birinin qarşısında, öz maşınında tapılıb. Meyitin üzərində çoxsaylı güllə yarası olub.