-
Bağdadda bir bomba partlayışında azı 13 nəfər həlak olub. Hadisə İraq paytaxtında çoxdandı davam edən fövqəladə vəziyyətin ləğvindən az əvvəl baş verib.
Associated Press xəbər verir ki, intiharçı bombanı fevralın 7-də paytaxtın şərq hissəsində – Yeni Bağdad ərazisində partladıb. 30 nəfər də yaralı var.
Reuters-in məlumatına görə, daha bir bomba Şarqa bazarı ərazisində partladılıb.
İki partlayışda ölənlərin sayı azı 23 nəfər, yaralılar azı 50 nəfərdir.
Hücumlara görə məsuliyyəti üzərinə götürən olmayıb.
Baş nazir Haidar al-Abadi 2004-cü ildən qüvvədə olan gecə fövqəladə rejiminin bu həftəsonu götürülməsinə göstəriş vermişdi.