-
Məşhur fransız aktyoru Alain Delona məxsus olmuş "Ferrari" hərracda 14,2 milyon avroya satıldı.
"Ferrari"nin bu modeli (SWB 250 California Spider) 1953-cü ildən 1964-cü ilə qədər buraxılıb.
Ən uğurlu və simvollaşmış model sayılır.
Hərracda qiymət 6 milyon avrodan başlanıb.
Aktyorun özü maşını daha baha satmaq üçün onun adından istifadə edilməsindən çox narazı qalıb.
Delon bu idman avtomobili 1963-cü ildə, baş rolda çəkildiyi "Leopard" filmi Kann Festivalında "Qızıl palma budağı"na layiq görüləndən sonra almışdı.
O, 1965-ci ildə ABŞ-a çəkilişlərə gedəndə də bu maşını özüylə aparmışdı.
