-
Rusiya imperiyasında böyük nüfuz sahibi olmuş görkəmli azərbaycanlı sərkərdə, tam süvari qoşunları generalı, II Nikolayın general-adyutantı Hüseyn xan Naxçıvanski haqqında tammetrajlı sənədli filmin istehsalı başa çatmaq üzrədir.
Filmi «Salnamə» sənədli filmlər studiyası və Sankt-Peterburqun «Lennauçfilm» kinostudiyası çəkib.
Mədəniyyət və Turizm Nazirliyinin yaydığı xəbərə görə, bu qurumun sifarişi ilə gerçəkləşdirilən filmin çəkilişləri Naxçıvanda, Bakıda və Sankt-Peterburqda aparılıb.
Filmin ssenari müəllifi və rejissoru Valentina Gurkalenko-dur.
Sənədli filmdə arxiv materiallarından geniş istifadə olunub.
Bolşeviklər sovet hakimiyyətini qəbul etməyən Hüseyn xan Naxçıvanskini güllələyiblər. Bu tanınmış generala həsr edilən filmdə çəkilişsonrası tamamlama işləri gedir.